Xalq deputatlari Qo‘qon shahar Kengashi deputati I.Fayzullayev tomonidan S.Abdulla mahalla fuqarolar yig‘inida profilaktika inspektori Sh.Tulqinov bilan hamkorlikda mahalla hududini videokuzatuv kameralari bilan qamrab olish holati yuzasidan o‘rganish ishlari olib borildi.

O‘rganish davomida mahalla hududidagi ko‘chalarning kirish va chiqish qismlariga o‘rnatilgan videokuzatuv kameralarining texnik holati, ularning uzluksiz ishlashi, mavjud kuzatuv tizimining samaradorligi hamda jamoat xavfsizligini ta’minlashdagi ahamiyati muhokama qilindi.

Shuningdek, mahallada jinoyatchilik va huquqbuzarliklarning barvaqt oldini olish, jamoat tartibini saqlash hamda fuqarolar xavfsizligini yanada mustahkamlash maqsadida videokuzatuv kameralari sonini ko‘paytirish, ularni zamonaviy texnik vositalar bilan jihozlash va kuzatuv qamrovini kengaytirish masalalari yuzasidan fikr almashildi.

O‘rganish jarayonida mahalla ko‘chalari joyiga chiqqan holda ko‘zdan kechirilib, qo‘shimcha videokuzatuv kameralari o‘rnatilishi zarur bo‘lgan nuqtalar aniqlandi. Xususan, fuqarolar gavjum bo‘ladigan hududlar, ichki ko‘chalar hamda kirish-chiqish yo‘laklarini to‘liq qamrab olish yuzasidan takliflar ishlab chiqildi.

Xalq deputatlari Qo‘qon shahar Kengashi