Turaqlı komissiya baslıǵı B.Qudenova hám komissiya aǵzası A.Ubaydullaeva Shomanay rayonında xalıqtıń múrájatları menen islesiw boyınsha 2026-jıldıń ótken ayları dawamında ámelge asırılǵan jumıslar menen keńnen tanıstı.
📌 Úyreniw dawamında:
✅ Puqaralardan kelip túsken múrájatlardıń sanı hám mazmunı;
✅ Olardıń kórip shıǵılıw múddetleri;
✅ Únamli sheshim tapqan mashqalalar;
✅ Qosımsha qadaǵalaw hám aralasıwdı talap etetuǵın máseleler;
✅ Xalıq penen ashıq hám turaqlı baylanıstı jolǵa qoyıw jaǵdayları tereń talqılandı.
Ayrıqsha atap ótiw kerek, deputatlar tek esabatlar menen ǵana sheklenip qalmastan, múrájatlar menen islew procesiniń ámeliy nátiyjelerin de úyrenip, puqaralardı qızıqtırǵan eń áhmiyetli máselelerdiń sheshiliw dárejesine baha berdi.
🗣 Talqılawlar dawamında xalıqtıń isenimin artırıw, múrájatlarǵa jıldam hám sapalı juwap beriw, sonday-aq, mashqalalardıń aldın alıwǵa qaratılǵan usınıslar da islep shıǵıldı.
Deputatlıq qadaǵalawdıń baslı maqseti – tek máselelerdi anıqlaw emes, al olardıń ámeliy sheshimin támiyinlewden ibarat.

✨ Hárbir múrájat – nátiyjeli sheshim ushın!
✨ Xalıq mápleri – bizdiń baslı wazıypamız!