Kengash nazorati doirasida o‘rganish ishlari olib borildi

👥 Xalq deputatlari Oqdaryo tumani Kengashi tomonidan O‘zbekiston Respublikasi Iqtisodiyot va moliya vazirligi huzuridagi Byudjetdan tashqari pensiya jamg‘armasi Oqdaryo tuman bo‘limi faoliyati deputatlik nazorati doirasida o‘rganildi.

📌 O‘rganish davomida fuqarolarning mehnat faoliyati to‘g‘risidagi ma’lumotlarni Yagona milliy mehnat tizimi elektron platformasiga o‘z vaqtida va to‘liq kiritilishi, elektron mehnat daftarchalarini yuritish amaliyoti, korxona va tashkilotlar bilan axborot almashinuvi (integratsiya) holati hamda pensiya tayinlash jarayonida elektron ma’lumotlar bazasidan foydalanish samaradorligi tahlil qilindi.

📊 Shuningdek, elektron bazalardagi ma’lumotlarning to‘g‘riligi, ularni muntazam yangilab borish, raqamlashtirish jarayonlarini takomillashtirish hamda fuqarolarga ko‘rsatilayotgan davlat xizmatlari sifatini oshirish masalalari muhokama qilindi.

🤝 O‘rganish yakunida aniqlangan holatlar yuzasidan mas’ul xodimlar bilan tegishli tavsiyalar berilib, elektron tizimlar orqali yuritilayotgan jarayonlarni yanada takomillashtirish va joyiga chiqqan holda qo‘shimcha o‘rganishlar olib borishga kelishib olindi.