Mahalliy Kengash deputatlari faoliyatining eng muhim yo‘nalishlari bo‘yicha belgilangan 24 ta tavsiya asosida joylarda amaliy ishlar izchil davom ettirilmoqda.

Xalq deputatlari Andijon shahar Kengashi deputati, kotibiyat bosh mutaxassisi Avazbek Appaqov Andijon shahridagi "Andijon" mahalla fuqarolar yig‘inida bo‘ldi.

Tashrif davomida mahallada amalga oshirilayotgan ishlar, mahalla raisi hamda "Mahalla yettiligi" faoliyati bilan tanishildi. Shuningdek, aholi murojaatlarini o‘rganish, mavjud muammolarni hal etish va mahalla infratuzilmasini yanada yaxshilash masalalari muhokama qilindi.

Hududlarni kompleks rivojlantirish, aholi farovonligini oshirish hamda mahallalarda olib borilayotgan islohotlar samaradorligini ta'minlash yuzasidan tegishli tavsiyalar berildi.

Xalq manfaatlari yo‘lida amalga oshirilayotgan ishlar izchil davom etmoqda.