Xalıq deputatları
Shımbay rayonlıq Keńesi baslıǵınıń gezektegi ushırasıwı ótkerildi. 

♻️ Búgin “Kókshi qala” MPJ aymaǵında
jaylasqan 39-sanlı ulıwma bilim beriw mektebinde Xalıq
deputatları Shımbay rayonlıq Keńesi
baslıǵı O.Tolıbekovtıń gezektegi puqaralar menen ushırasıwı ótkerildi. 

Ilajda Máhálleler
awqamı rayonlıq bólimi baslıǵı A.Dawletmuratov, «máhálle jetiligi» aǵzaları,
tiyisli taraw qánigeleri hám aymaq turǵınları qatnastı. 

 Iláj dawamında máhálle aymaǵın bunnan bılay
da rawajlandırıw, xalıqtıń sociallıq mashqalaların
sheshiw, mekteptegi bilimlendiriw sapası hám
jaslar bántligin támiyinlewge qaratılǵan áhmiyetli
máseleler dodalandı. Sonday-aq, ushırasıwda puqaralar tárepinen kóterilgen hár
bir múrájat Keńes baslıǵı tárepinen dıqqat penen tıńlanıp, olardıń sheshimi
boyınsha tiyishli taraw qánigelerine tapsırmalar berildi hám qadaǵalawǵa
alındı. 

✍️ Juwmaq ornında aytıw
kerek, usınday tikkeley ushırasıwlar
mámleketlik
uyımlar menen xalıq ortasındaǵı
baylanıstı bekemlewge xızmet etiwi sózsiz. 

Xalıq deputatları Shımbay rayonlıq Keńesi