Xalıq deputatları Bozataw rayonlıq Keńesi sekretariat baslıǵı A.Ibragimov tárepinen, hákim járdemshisi tárepinen ámelge asırılıp atırǵan jumıslardıń nátiyjeliligi, xalıqtı kámbaǵallıqtan shıǵarıw boyınsha jumısların úyrenildi. 

“Bozataw” PPJdaǵı Hákim járdemshisi B.Adilovtıń jumıslarınıń nátiyjeliligi hám xalıqtı kámbaǵallıqtan shıǵarıw boyınsha ámelge asırılıp atırǵan jumısları haqqında sóz etiledi. 

Búgingi kúnde hákim járdemshisi tárepinen xalıqtı sociallıq qorǵaw, olardıń turmıs dárejesin jaqsılaw hám kámbaǵallıqtı qısqartıw boyınsha keń kólemli jumıslar ámelge asırılmaqta. Atap aytqanda, kem támiynlengen hám járdemge mútáj shańaraqlar tolıq úyrenilip, olardıń áhmiyetli mashqalaları anıqlanıp atır. Hár bir shańaraq penen jeke
tártıpde islew jolǵa qoyılıp, olardıń daramatın arttırıw boyınsha anıq rejeler islep shıǵılmaqta. Jumıssız puqaralar jumıs penen qamtıw máselesine ayrıqsha itibar qaratılıp,
olar kasıp-ónerge oqıtılıp, qayta tayarlaw kursları arqalı jańa kásip iyelew múmkinshiligine iye bolmaqta. Sonday-aq, jańa jumıs orınların jaratıw, injenerlik hám qúrilıs jumıslarına tartıw arqalı xalıqtıń túraqlı daramat dereklerin payda etiwge erisilip atır. Bunnan tısqarı, isbilermenlik hám shańaraqlıq iskerlikti rawajlandırıw
boyınsha keń múmkinshilikler jaratılmaqta. Jeńilletilgen kreditler, subsidiyalar hám grantlar ajratılıp, xalıqtıń iskerlik baslamaların qollap-quwatlawda ámelge asırılmaqta. Natijede, jeke is baslawǵa qızıǵıwshılıq artıp, jańa is orınları payda bolmaqta. Sociallıq qorǵaw tarawında da bir qatar unamlı jumıslar ámelge asırılıp,
járdemge mutáj shańaraqlarǵa materiallıq járdem, nafaqalar hám basqa túrdegi qollap-quwatlawlar kórsetilip atır. Sonday-aq, awıllarda infrastrukturalardı
jaqsılaw, jol, suw, elektr energiyası menen qamtıw, turmıs sharayatların jańalaw boyınsha da jumıslar túraqlı túrde alıp barılmaqta. Bul is-ılajdıń barlıǵı bir maqsetke – xalıqtı kámbaǵallıqtan shıǵarıw, olardıń turmıs sapasın jaqsılaw hám jámiyetde sociallıq turaqlılıqtı támiyinlewge qaratılǵan. Ámelge asırılıp atırǵan jumıslardıń nátiyjesinde xalıqtıń óz kúshi menen daramat tabıw múmkinshilikleri keńeyip, turmıs dárejesi sezilerli túrde jaqsılanıp barmaqta. Bul bolsa, kámbaǵallıq dárejesin sistemalı túrde azaytıwǵa túrtki bolmaqta.