XALÍQ DEPUTATLARÍ QARAÓZEK RAYONLÍQ KEŃESINIŃ JIGIRMALANSHÍ SESSIYASÍ HAQQÍNDA MÁLIMLEME

Xalıq deputatları Qaraózek rayonlıq Keńesiniń gezektegi jigirmalanshı sessiyası bolıp ótti.

Sessiyanı Keńes baslıǵı G.Yusupova basqarıp bardı. Sessiya reglamenti belgilenip, deputatlar májilis xatkeri hám kún tártibin tastıyıqladı. Sessiyaǵa rayonlıq Keńes deputatları, Keńes janındaǵı jaslar másláhát toparı, ekspert aǵzaları, hákim orınbasarları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı.
Sessiya jumısı Keńestiń social tarmaqtaǵı arnawlı betlerinde tuwrıdan-tuwrı jarıtılıp barıldı. Kún tártibinde dáslep Ózbekstan Respublikası Prezidenti basshılıǵında ótkerilgen videoselektor májilisindegi wazıypalardan kelip shıǵıp, xalıqtıń mashqalaları menen islesiwde Qashqadárya wálayatınıń Qarshı qalası tájiriybesin nátiyjeli jolǵa qoyıw maqsetinde Qaraózek rayonında puqaralardıń múrájatları menen islesiw boyınsha alıp barılǵan jumıslar hám 2026-jıl birinshi sheregi dawamında puqaralardıń múrájatları menen islesiw boyınsha alıp barılǵan jumıslar haqqında Qaraózek rayonı hákimi A.Baymuratovtıń xalıqqa múrájatı tıńlandı. Deputatlardıń usınısları menen sheshim qabıl etildi. Sessiya kún tártibindegi Ózbekstan Máhálleler awqamı Qaraózek rayonı  bóliminiń, rayonlıq “Insan” socialllıq xızmetler orayı hám jaslar isleri bóliminiń 2026-jıldıń birinshi sheregi dawamında ámelge asırılǵan jumısları hám Ózbekstan Respublikası Prezidentiniń 2023-jıl 28-iyun kúngi “Máhállelerde sport infrastrukturasın rawajlandırıw hám sport maydanshalarınan nátiyjeli paydalanıwdı shólkemlestiriw ilajları haqqında”ǵı PQ-245-sanlı qararı orınlanıwın támiyinlew baǵdarında rayon aymaǵında ámelge asırılǵan jumıslar haqqında Qaraózek rayonı sport mektebiniń esabatları kórip shıǵılıp, deputatlar tárepinen sheshimler qabıl etildi. Bunnan soń Qaraózek rayonı jergilikli byudjetiniń 2026-jıl 1-yanvar halatına rayon byudjetininń erkin qaldıq esabınan qarjılardıń bólistiriliwi hám "Aral teńizi tómengi basseyni aymaqlarında degradaciyaǵa ushıraǵan jerlerdi tiklew" joybarı koncepciyasın kelisiw haqqındaǵı rayon hákimliginiń usınısları kórip shıǵıldı hám deputatlar tárepinen tiyisli sheshimler qabıl etildi. Sessiyada Xalıq deputatları rayonlıq Keńesiniń turaqlı komissiyaları tárepinen usınılǵan máseleler tolıǵı menen kórip shıǵılıp, sheshimler qabıl etildi.
Deputatlar tárepinen kún tártibindegi máseleler boyınsha pikir, usınıslar bildirildi, tarawlarda aldaǵı isleniwi tiyis wazıypalar belgilendi hám jigirmalanshı sessiya óz jumısın juwmaqladı.