#tavsiyalar_asosida_obodonlashtirish

Arabxona mahalla fuqarolar yig‘ini hududida amalga oshirilayotgan obodonlashtirish ishlari, sanitariya holati hamda aholiga yaratilgan sharoitlarni o‘rganish maqsadida monitoring o‘tkazildi. Unda Xalq deputatlari Kogon shahar Kengashi deputati Sh. Isamutdinov, mutaxassislar I. Ikromov va Z. Temirovalar ishtirok etib, hududdagi mavjud muammolar va ularni bartaraf etish bo‘yicha olib borilayotgan ishlar bilan yaqindan tanishdi.

O‘rganish jarayonida ko‘chalar tozaligi, yashil hududlarni saqlash, daraxt va gul ko‘chatlarini parvarishlash, ichki yo‘llarning holati hamda umumiy foydalanishdagi hojatxonalarning sanitariya talablariga mosligi ko‘zdan kechirildi. Ayrim hududlarda obodonlashtirish ishlari samarali tashkil etilgani qayd etilgan bo‘lsa, ba’zi manzillarda qo‘shimcha ta’mirlash va tozalash ishlarini jadallashtirish zarurligi ta’kidlandi.

Mutasaddilar tomonidan umumiy hojatxonalarda tozalikni doimiy nazorat qilish, ichimlik suvi ta’minoti va dezinfeksiya ishlarini kuchaytirish yuzasidan tegishli tavsiyalar berildi. Shuningdek, mahalla faollari va aholi bilan muloqot o‘tkazilib, hududni yanada obod va fayzli maskanga aylantirish bo‘yicha fikr va takliflar tinglandi.

Ta’kidlanganidek, aholi uchun qulay va ozoda muhit yaratish, sanitariya holatini yaxshilash hamda mahalla infratuzilmasini rivojlantirish borasidagi ishlar bundan buyon ham izchil davom ettiriladi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash