Yangi hayot mahallasida yo‘llar sifatli qayta tiklanmoqda

Aholi uchun munosib turmush sharoiti yaratish va hudud infratuzilmasini yaxshilash maqsadida Termiz tumanida tizimli ishlar davom etmoqda.
Xususan, “Yangi hayot” MFY At-Termiziy ko‘chasida uzoq vaqt xizmat qilib, yaroqsiz holga kelib qolgan eski yo‘l qoplamasi o‘rniga yangi va sifatli asfalt yotqizish jarayonlari amalga oshirilmoqda.

Mazkur ishlarning ketish jarayoni va qurilish sifati xalq deputatlari Termiz tuman Kengashi deputati G.Shafoatova tomonidan bevosita joyiga chiqqan holda nazorat qilinmoqda.

Jarayon davomida quyidagilarga e’tibor qaratildi:
Eski va yaroqsiz bo‘lib qolgan yo‘l qatlamini to‘liq yangilash;
Asfalt yotqizish ishlarining texnik talablarga muvofiqligi;
Harakatlanish uchun maksimal qulaylik va xavfsizlik yaratish.

Deputat G.Shafoatova qurilish ishlari bilan tanishar ekan, yo‘llarning sifati aholi farovonligi uchun muhim omil ekanligini va har bir metr yo‘l qat’iy nazorat ostida ekanligini ta’kidladi.