Mustaqillik yillaridan buyon xalqimiz, asrlar davomida ona zaminimizni, uning ozodligi, tinch-osoyishta hayotini, qahramonlik va fidoyilik bilan himoya qilgan yurtdoshlarimizning hurmatini e’zozlab, ushbu sanani tantanali ravishda nishonlab kelmoqda.

Bugun Taxiatosh tumanida 9 may - Xotira va qadrlash kuni munosabati bilan bayram tadbiri bo‘lib o‘tdi.

Tadbirda tuman hokimi I.Sdikov, Xalq deputatlari Taxiatosh tumani Kengashi deputatlari, siyosiy partiya rahbarlari, mudofaa bo‘limi xodimlari, mehnat faxriylari, Afg‘oniston zaminida harbiy burchini o‘tagan jangchilar va keng jamoatchilik vakillari ishtirok etdi. Ular tuman markazidagi "Motamsaro ona" yodgorligi poyiga gul qo‘yib, el-yurt tinchligi yo‘lida jon fido qilgan ajdodlarimizni hurmat bilan yodga oldi.