O‘rganish jarayonida ta’lim muassasasida o‘quvchilar uchun yaratilgan sharoitlar, ta’lim sifati, o‘quv jarayonlari hamda tashkil etilgan fan va sport to‘garaklari faoliyatiga alohida e’tibor qaratildi.

Shuningdek, o‘quvchilarning fan olimpiadalari, sport musobaqalari va turli ko‘rik-tanlovlarda erishayotgan yutuqlari e’tirof etilib, yoshlarning bilim olishga bo‘lgan intilishi hamda sportga keng jalb etilayotgani yuqori baholandi.

Tashrif davomida maktab jamoasi, o‘quvchilar va faxriylar ishtirokida “Uch avlod uchrashuvi” ham tashkil etildi. Unda ustozlar, nuroniylar va yoshlar o‘rtasida samimiy muloqot bo‘lib o‘tib, yoshlarni vatanparvarlik ruhida tarbiyalash, milliy qadriyatlarga hurmat hamda hayotiy tajribalarni yosh avlodga yetkazish masalalari muhokama qilindi.

Deputatlar tomonidan ta’lim muassasasida amalga oshirilayotgan ishlar ijobiy baholanib, yosh avlodni har tomonlama qo‘llab-quvvatlash borasidagi vazifalarga alohida e’tibor qaratildi.