Mazkur madrasa nafaqat tarixiy obida,balki milliy qadriyatlar va ma’naviy merosni o‘zida mujassam etgan muhim maskandir. Suhbat davomida madrasa o‘tmishning jim guvohi emas, balki bugungi ma’naviy yuksalishning tirik ramzi ekanligi alohida ta’kidlandi. Unda amalga oshirilgan qayta ta’mirlash ishlari, shuningdek, bu dargohda xalqaro va mahalliy mehmonlar, davlat rahbarlari hamda muhtaram Prezidentlarni kutib olish an’analari haqida atroflicha ma’lumotlar berildi.

   Ayniqsa, muloqot markazida kelajak masalasi turdi — madrasaning nafaqat madaniy meros obyekti, balki zamonaviy ma’rifiy makon sifatidagi o‘rnini mustahkamlash, bu yerda tahsil olayotgan yoshlarni chuqur ilm, mustaqil fikr va yuksak ma’naviyat sari yetaklash zarurligiga urg‘u berildi.

    Bu uchrashuv g‘oyalar almashinuvi emas, balki kelajakka yo‘naltirilgan mas’uliyatli qarashning ifodasi bo‘ldi. Madaniy meros obyektlari, jumladan Panjob madrasasi tarixni asrab,uni taraqqiyotga xizmat qildirish mumkinligini yana bir bor namoyon etdi.