Xalq deputatlari Kosonsoy tuman Kengashi kotibiyat mudiri D. Valieva hamda tuman deputatlari bilan birgalikda “Iftixor” mahalla fuqarolar yig‘inida ayollar bandligini ta’minlash masalasi yuzasidan o‘rganish ishlarini olib bordilar.

🗓️O‘rganish jarayonida mahallada yashovchi xotin-qizlarning bandlik holati, ularni doimiy ish bilan ta’minlash, kasb-hunarga o‘qitish va tadbirkorlikka jalb etish borasida amalga oshirilayotgan ishlar tahlil qilindi. Shuningdek, ishsiz ayollarni aniqlash, ularning qiziqish va imkoniyatlaridan kelib chiqib, munosib ish o‘rinlari yaratish masalalariga alohida e’tibor qaratildi.

✨Tadbir davomida mahalla “yettiligi”, mutasaddi tashkilotlar va faollar bilan muloqot o‘tkazilib, ayollar bandligini oshirishga to‘sqinlik qilayotgan muammo va kamchiliklar muhokama qilindi. Xususan, kasb-hunar o‘rganishga ehtiyoj, imtiyozli kreditlar ajratish, uy sharoitida mehnat qilish imkoniyatlarini kengaytirish kabi masalalar ko‘tarildi.

⌛Shuningdek, ayollarni tadbirkorlikka keng jalb etish, ularga amaliy ko‘mak berish, yangi ish o‘rinlari yaratish va daromad manbalarini oshirish bo‘yicha tegishli tavsiya va topshiriqlar berildi. Kelgusida ushbu yo‘nalishdagi ishlarni tizimli ravishda davom ettirish hamda mas’ul tashkilotlar bilan hamkorlikni yanada kuchaytirishga kelishib olindi.