Xalq deputatlari Paxtakor tumani Kengashi 11- Muqumiy saylov okrugi deputati Z.Shodmonov tashabbusi bilan Bog‘ishamol mahallasi Qoramirzo ota qishlog‘ida yashovchi yolg‘iz keksalar xonadonida 30 nafar ko‘ngilli yoshlar ishtirokida hashar tashkil etildi.

Hashar davomida xonadon hovlisi to‘liq begona o‘tlardan tozalandi, 200 dona pomidor, bulg‘or qalampiri va qalampir ko‘chatlari o‘tqazildi, shuningdek 500 dona rayhon ko‘chatlari ekildi.

Xonadon oqlanib, tartibsiz elektr energiyasi simlari tartibga keltirildi hamda xavfsiz holatga keltirilib qaytadan ulandi. Bundan tashqari, o‘tinlar maydalab tartibga keltirildi.

Hashar so‘ngida osh damlanib, dasturxon atrofida kelgusidagi ishlar yuzasidan kelishib olindi.