GIDROENERGETIKA SOHASINI RIVOJLANTIRISH — BARQAROR TARAQQIYOT OMILI

Joriy yilning 29-aprel kuni Prezident Shavkat Mirziyoyev tomonidan gidroenergetika sohasini yanada rivojlantirishga qaratilgan taqdimot bilan tanishildi.

Mazkur yo‘nalishda olib borilayotgan islohotlar, avvalo, energiya manbalarini diversifikatsiya qilish, qayta tiklanuvchi energiya ulushini oshirish hamda hududlarda barqaror elektr ta’minotini yo‘lga qo‘yishga xizmat qiladi. Gidroenergetika ekologik toza va iqtisodiy jihatdan samarali soha bo‘lib, uni rivojlantirish orqali nafaqat energiya tanqisligini kamaytirish, balki yangi ish o‘rinlari yaratish imkoniyati ham kengayadi.

Deputat sifatida ta’kidlash joizki, ushbu tashabbuslar hududlar rivojiga bevosita ijobiy ta’sir ko‘rsatadi. Ayniqsa, ichki imkoniyatlardan samarali foydalanish, mavjud suv resurslarini oqilona boshqarish hamda zamonaviy texnologiyalarni joriy etish orqali gidroenergetika salohiyatini yanada oshirish mumkin.

Shu bilan birga, amalga oshirilayotgan loyihalar ijrosini joylarda tizimli nazorat qilish, aholining ehtiyojlari va takliflarini inobatga olish muhim ahamiyat kasb etadi. Energetika sohasidagi bunday yirik tashabbuslar mamlakatimiz iqtisodiy barqarorligini mustahkamlash bilan birga, kelajak avlodlar uchun ishonchli energiya manbaini yaratishga xizmat qiladi.

Xalq deputatlari Navoiy shahar Kengashi deputati Полещук Наталья Валерьевна