Boyovut tumanida 5-sonli maktabda olib borilayotgan ta’mirlash ishlari o‘rganildi

Xalq deputatlari Boyovut tumani Kengashining haftalik ish rejasiga muvofiq, 2026-yil 28-aprel kuni ijtimoiy muammolarni o‘rganish doirasida joylarda olib borilayotgan qurilish va ta’mirlash ishlari yuzasidan monitoring tadbirlari amalga oshirildi.

🏫 Shu maqsadda tumandagi 5-sonli umumta’lim maktabida olib borilayotgan mukammal ta’mirlash ishlari holati joyiga chiqqan holda o‘rganildi.

📑 Ma’lumot uchun:

 • Buyurtmachi: “Sirdaryo viloyati yagona buyurtmachi xizmati” DM

 • Pudratchi: “Guliston Qor‘g‘on Baraka Qurilish Montaj” MCHJ

 • Loyihachi: “JF ARCH CREATIVE” MCHJ

 • Obyekt nomi: Sirdaryo viloyati Boyovut tumani 5-sonli maktabni mukammal ta’mirlash

 • Qurilish ishlarining boshlanishi: 07.04.2026 yil

 • Qurilish ishlarining tugallanishi: 05.10.2026 yil

🤝 O‘rganish jarayonida Kengash raisi O.Isanov, Kengash kotibiyati mudiri X.Berdiyarova, tuman Kengashi deputati X.Juraxolovich hamda kotibiyat bosh mutaxassisi A.Sharopov ishtirok etib, olib borilayotgan ishlarning sifati, belgilangan muddatlarga rioya etilishi va ta’lim muassasasida yaratilayotgan sharoitlar holatini o‘rganishdi.

📊 Mazkur monitoring ishlari ta’lim infratuzilmasini yaxshilash hamda qurilish ishlarining sifatli va o‘z vaqtida bajarilishini ta’minlashga xizmat qiladi.