SALOMATLIK – ENG OLIY QADRIYAT: TIBBIY XIZMATLAR KO‘ZDAN KECHIRILDI

Aholiga o‘z vaqtida va sifatli tibbiy yordam ko‘rsatish, ayniqsa, mahallalardagi tibbiyot muassasalarining shayligini ta’minlash ustuvor vazifalarimizdan biridir.

3-G‘allaquduq saylov okrugi deputati M. Nishanova hududidagi G‘allaquduq MFY tibbiyot punkti faoliyati hamda aholiga ko‘rsatilayotgan tibbiy xizmatlar holati o‘rganildi.

O‘rganish natijalariga ko‘ra, tibbiyot punktida aholiga birlamchi tez tibbiy yordam ko‘rsatish uchun zarur shart-sharoitlar yaratilgani, muassasa kerakli jihozlar va dori-darmonlar bilan ta’minlangani, shuningdek, bemorlarni qabul qilish va ko‘rikdan o‘tkazish xonalari talab darajasida shay holatga keltirilgani aniqlandi.

Muloqot davomida tibbiyot xodimlari bilan aholi o‘rtasida profilaktika ishlarini kuchaytirish, ayniqsa, keksalar va bolalar salomatligiga alohida e’tibor qaratish bo‘yicha fikr almashildi.