⏺Mazkur jarayon mahalliy Kengash deputatlari faoliyati uchun ishlab chiqilgan “24 ta eng muhim yo‘nalish” doirasida tashkil etildi. Bunda aholi turmush tarzi bilan bog‘liq barcha jihatlar qamrab olindi.

💬O‘rganish davomida quyidagilar ko‘zdan kechirildi:

✔️Ko‘p qavatli uylar: Kirish yo‘laklari (pod’yezdlar) ozodaligi va yerto‘lalarning texnik holati;

✔️Bolalar maydonchalari: Maydonchalarning xavfsizligi va jihozlarning sozligi;

✔️Hudud obodligi: Uy atrofidagi maydonlarning tozaligi va tungi yoritish tizimlari;

🏗️O‘rganish jarayonida hududda qurilishi yakunlanmagan va tashlandiq holga kelib qolgan bino mavjudligi aniqlandi.

✔️Aniqlangan barcha kamchiliklar, jumladan, qurilishi yakunlanmagan binoning holati yuzasidan mas’ul tashkilotlarga deputatlik so'rovi yuborilishi belgilanib olindi. Ushbu masalalar yuzasidan tegishli nazorat tadbirlari kuchaytiriladi.

🫥"Mahalladagi har bir muammo, u kichik bo‘ladimi yoki yirik, biz uchun muhim. Ayniqsa, yakunlanmagan qurilishlar va tashlandiq binolar aholi uchun noqulaylik tug‘diradi va ularni tez fursatda bartaraf etish lozim," — ta’kidladi Kengash raisi D.Normuradova.