Xalq deputatlari Ishtixon tumani Kengashining 2026-yilga mo‘ljallangan ish rejasiga muvofiq, tumanda “Xavfsiz va ravon yo‘l” umummilliy dasturi doirasida amalga oshirilayotgan ishlar hamda yo‘l harakati xavfsizligi holati navbatdagi sessiyada atroflicha muhokama qilinadi.

Shu munosabat bilan Ishtixon tumani Ichki ishlar bo‘limi Yo‘l harakati xavfsizligi bo‘limi boshlig‘iga rasmiy xat yuborildi.

📄 Mazkur xatda taqdim etiladigan axborotda quyidagi masalalar bo‘yicha aniq, asosli va manzilli ma’lumotlar aks ettirilishi so‘raldi:

🔹 2026-yil I choragida yo‘l harakati xavfsizligini ta’minlash va YTHlarning oldini olish bo‘yicha amalga oshirilgan ishlar;

🔹 xavfli chorrahalar, piyodalar o‘tish joylari, maktab va bog‘chalar atrofidagi muammoli hududlar;

🔹 yo‘l belgilari, svetoforlar, sun’iy notekisliklar, yoritish vositalari va piyodalar yo‘laklari bilan bog‘liq bajarilgan ishlar;

🔹 eng ko‘p yo‘l-transport hodisalari sodir bo‘layotgan hududlar, ularning sabablari va ko‘rilgan choralar;

🔹 maktablar, bog‘chalar, bozorlar va aholi gavjum joylarda xavfsizlikni ta’minlash bo‘yicha amalga oshirilgan ishlar;

🔹 mavjud muammolar hamda 2026-yil II chorak uchun aniq reja va takliflar.

⚠️ Kengash tomonidan axborot umumiy ma’lumot shaklida emas, balki har bir hudud, ko‘cha va manzil kesimida, aniq raqamlar va dalillar bilan taqdim etilishi talab qilindi.

Shuningdek, Yo‘l harakati xavfsizligi bo‘limi boshlig‘ining sessiyada shaxsan ishtirok etishi hamda belgilangan muddatda yozma axborotni taqdim etishi so‘raldi.

🚦 Fuqarolar xavfsizligi, ayniqsa maktablar va aholi gavjum hududlarda yo‘l harakati xavfsizligini ta’minlash masalasi Xalq deputatlari Ishtixon tumani Kengashining doimiy nazoratida bo‘lib qoladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)