🔸Jizzax politexnika institutida haftaning payshanba - Yoshlar kuni munosabati bilan talaba-yoshlar bilan uchrashuv hamda S.Zunnunova tavalludning 100 yilligiga atab tadbir o‘tkazildi. Uchrashuvda Xalq deputatlari Jizzax shahar Kengashi deputati X.Xamdamova o‘z maʼruzasi bilan ishtirok etdi. 

🔸Maʼruzada shoiraning hayoti va ijod yo‘li yoritilib, uning sheʼrlarida Vatan, ona, muhabbat hamda xalqona ruhning tutgan o‘rni misollar orqali tushuntirildi. S.Zunnunova ijodining yoshlar maʼnaviy tarbiyasidagi ahamiyati alohida taʼkidlandi. 

🔸Uning nafaqat ijodi, balki hayot yo‘li ham ibratli ekanligi, yaʼni O‘zbekiston Qahramoni S.Ahmadning umr yo‘ldoshi sifatida ham matonatli va vafodor yor bo‘lib gavdalanishi ham aytib o‘tildi. Maʼruza jarayoni talaba-yoshlar tomonidan qiziqish bilan tinglandi va o‘zaro savol-javoblar hamda iqtidorli talabalarning sheʼriy chiqishlari bo‘lib o‘tdi.