Joriy yilning 15-aprel kuni xalq deputatlari Zarafshon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishi o‘tkazildi. Yig‘ilishda shahar ichki ishlar bo‘limining “2026-yilning I choragi davomida shaharda huquqbuzarliklarning oldini olish va ularning profilaktikasi borasida olib borilgan ishlar toʻgʻrisida” hisoboti, shahar prokuroturasining “Shaharda qonun ustuvorligini ta’minlash, qonuniylikni mustahkamlash, jinoyatchilik hamda huquqbuzarliklarning oldini olish va profilaktika qilish borasida 2026-yilning I choragi davomida amalga oshirilgan ishlar to‘g‘risida”gi axboroti hamda O‘zbekiston Respublikasi Prezidentining Zarafshon shahridagi Xalq qabulxonasining “2026-yilning I choragi davomida jismoniy va yuridik shaxslardan kelib tushgan murojaatlarni korxona va tashkilotlar tomonidan
ko‘rib chiqilishini muhokama qilish to‘g‘risida”gi axboroti eshitildi. Doimiy komissiya a’zolari hisobotlar
yuzasidan o‘zlarining taklif va mulohazalarini bildirib o‘tishdi. Doimiy komissiyasi tomonidan ushbu masalalarni xalq deputatlari shahar Kengashining navbatdagi sessiyasida ko‘rib chiqish yuzasidan xulosa berildi.