Xalq deputatlari Chinoz tumani Kengashi deputati Sherzod Botirov tomonidan tumandagi 45-sonli umumta’lim maktabida sport infratuzilmasining holati o‘rganildi.

Jumladan, maktab sport zallari, ulardagi mavjud sport anjomlari hamda jihozlarning bugungi holatiga e’tibor qaratildi.

O‘rganish jarayonida ayrim kamchilik va muammolar aniqlanib, ularni bartaraf etish yuzasidan maktab rahbariyati bilan muhokamalar o‘tkazildi. Xususan, sport anjomlarini yangilash, mavjud jihozlarni ta’mirlash hamda o‘quvchilar uchun yanada qulay shart-sharoitlar yaratish bo‘yicha zarur tavsiyalar berildi.

Mazkur o‘rganishlar yoshlarning jismoniy tarbiyasini rivojlantirish, sog‘lom turmush tarzini keng targ‘ib qilish hamda ta’lim muassasalarida sport infratuzilmasini yanada takomillashtirishga xizmat qiladi.