Hududdagi muammolarni hal etish yuzasidan deputatlar va rahbarlar joyiga chiqdi

Avval xabar qilinganidek, Termiz tuman hokimi o‘rinbosari F.Abjalov O‘zbekistom Mahallalari uyushmasining Termiz tuman bo‘limi boshlig‘i R.Alixanov bilan hamkorlikda Xalq deputatlari Termiz tuman Kengashi kotibiyat mudiri A.Avliyakulov hamda deputatlar Sh.Norsayev va G.Shafoatovalar Mustaqillik mahallasida olib borilgan o‘rganishlar davomida mahalla “yettiligi” tomonidan qator muammolar deputatlar e’tiboriga havola etilgan edi. Xususan, Qo‘ng‘irot mahallasi bilan chegara hududida chiqindilar tashlab ketilishi holatlari yuzasidan amaliy choralar ko‘rish zarurligi ta’kidlangan.

Mazkur o‘rganishning davomi sifatida, deputatlar Mahalla uyushmasi vakillari bilan birgalikda ushbu hududni yana bir bor ko‘zdan kechirdi. Chegara qismiga kuzatuv kameralarini o‘rnatish, ogohlantiruvchi belgilar qo‘yish hamda profilaktik reydlarni kuchaytirish bo‘yicha takliflar mutasaddi tashkilotlarga kiritilishi belgilandi. Ushbu masala alohida nazoratga olindi.

Shuningdek, o‘rganish jarayonida fuqarolar tomonidan bildirilgan murojaatlar ham atroflicha ko‘rib chiqildi. Ayrim masalalar joyida hal etildi, qo‘shimcha o‘rganish talab etadigan murojaatlar yuzasidan esa tegishli tashkilotlarga deputatlik so‘rovlari yuborilishi ma’lum qilindi.

Bundan tashqari, fuqarodan kelib tushgan murojaat yuzasidan tuman hududidagi maktabga borib, maktab ma’muriyati hamda mas’ullar ishtirokida ijobiy yechim topildi.

O‘rganishlar davom etmoqda va ko‘tarilgan masalalar bosqichma-bosqich bartaraf etilishi ta’minlanadi. Deputatlar tomonidan hududdagi muammolarni tizimli hal etish hamda aholi bilan ochiq muloqotni kuchaytirish ishlari izchil davom ettiriladi.