Хожели районы ҳәкимлигиниң мәжилислер залында Халық депутатлары районлық Кеңесиниң жетинши шақырық оныншы сессиясы болып өтти. Сессияны Халық депутатлары Хожели районлық Кеңеси баслығы Ж.Ермашев алып барды. Күн тәрбинде 8 мәселе көрилип, есабат бериўшилердиң баянаты тыңланды. Атап айтқанда, Өзбекстан Республикасы Олий Мажлиси Нызамшылық палатасы ҳәм Олий Мажлис Сенатының 14.09.2019-жылғы "Тойлар, шаңарақлық салтанатлар, мереке ҳәм мәресимлерди тәртипке салыў ҳаққында"ғы қоспа қарарының айрым аймақларда толық орынланбай атырғанлығы себепли, той-мереке ҳәм оған байланыслы түрли шаңарақлық иләжлар ысырапгершилик ҳәм дәбдебелилик пенен өткерилип атырғанлығы кең жәмийетшиликти тәшўишке салып атыр. Соңлықтан халықтың усыныс ҳәм мүрәжатларына муўапық мәмлекетлик және мәмлекетлик емес коммерциялық емес шөлкемлер менен биргеликте кең жәмийетшилик ўәкиллери ағзалығында район аймағында тойлар, шаңарақлық салтанатлар, мереке ҳәм мәресимлер сыяқлы иләжларды өткериўди тәртипке салыў мәселелерин муўапықластырыўшы жәмийетлик кеңесиниң қурамын шөлкемлестириў усыныс етилди ҳәм қатнасыўшыларға таныстырылды. Депутатлар тәрепинен күн тәртибиндеги сегиз мәселе бойынша өзлериниң пикир ҳәм усынысларын билдирип, тийисли қарарлар қабыл етилди.