#kunlik_ish_reja_ijrosi #Kengash_raisi_faoliyati #kotibiyat_xodimi_faoliyati #deputat_faoliyati #mahalla_yettiligi_bilan_hamkorlik #murojaatlar_daftari

«Qishloqozon» mahallasida mahalla yettiligi faoliyati va fuqarolar murojaatlari o‘rganildi

Xalq deputatlari Qiziriq tumani Kengashiga 14-Qishloqozon saylov okrugidan saylangan deputat, tuman Kengashi raisi J. Xudoyqulova hamda tuman Kengashi kotibiyati bosh mutaxassisi J. Donayev tomonidan deputatning saylov okrugidagi «Qishloqozon» mahallasida mahalla yettiligi faoliyati o‘rganildi.

O‘rganish davomida mahalla yettiligi tomonidan hududda amalga oshirilayotgan ishlar, fuqarolarning murojaatlari bilan ishlash, aholi muammolarini aniqlash va ularni hal etish borasidagi faoliyatiga e’tibor qaratildi. Shuningdek, mahallaga turli masalalar yuzasidan tashrif buyurgan fuqarolar bilan suhbatlashilib, ularning murojaatlari, taklif va muammolari tinglandi.

Fuqarolar tomonidan bildirilgan murojaatlar deputatning Murojaatlar daftariga qayd etilib, ularning ijrosini ta’minlash yuzasidan tegishli mas’ullarga yo‘naltirish, amaliy choralar ko‘rish hamda ijrosini nazoratga olish belgilandi.

Aniqlangan masalalar yuzasidan tegishli tavsiya va takliflar bildirilib, fuqarolar murojaatlarining o‘z vaqtida va qonuniy hal etilishi deputatlik nazorati doirasida kuzatib borilishi qayd etildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram