Chinoz tumani hokimi, Xalq deputatlari Chinoz tumani Kengashiga 12-Oxunboboyev saylov okrugidan saylangan depuat Sh. Salixov tomonidan “G‘ayrat” mahallasida ijtimoiy reyestrga kiritilgan oilalarning muammolari o‘rganildi.

O‘rganish jarayonida oilalarning ijtimoiy-iqtisodiy holati, mavjud muammolari, ijtimoiy yordam va xizmatlarga bo‘lgan ehtiyoji hamda daromadlarini oshirish imkoniyatlari xonadonbay o‘rganildi.

Aniqlangan muammolarni hal etish bo‘yicha tegishli choralar ko‘rildi. Jumladan:

🔹 1 ta oilaning 2 nafar farzandi maktabgacha ta’lim tashkilotiga joylashtirildi;

🔹 1 ta oilaning kadastr hujjatlari bilan bog‘liq muammosi tegishli tashkilot orqali bartaraf etildi;

🔹 1 ta oilaning uy-joy qurilishi bilan bog‘liq yo‘l o‘tkazish masalasi hal etildi;

🔹 uy-joyga ega bo‘lmagan va ijara asosida yashayotgan 1 ta oilaga “G‘ayrat” mahallasi hududida auksionga chiqarilgan 16 sotix yer maydoni taklif etildi.

Bunday o‘rganishlar orqali oilalarning mavjud muammolarini aniqlash, ularni manzilli hal etish hamda aholi bandligi va daromadlarini oshirishga ko‘maklashish choralari ko‘rilmoqda.