Paxtakor tuman elektr tarmoqlari xodimlari ishtirokida korrupsion holatlarning oldini olish, korrupsiyaga qarshi kurashish va bu borada xodimlarning huquqiy bilim hamda mas’uliyatini oshirishga qaratilgan yig‘ilish o‘tkazildi.

Yig‘ilishda viloyat korrupsiyaga qarshi kurashish departamenti, tuman prokuraturasi, tuman ichki ishlar bo‘limi xodimlari hamda Xalq deputatlari Paxtakor tumani Kengashi deputati A.Andayev ishtirok etdi.

Tadbir davomida elektr ta’minoti sohasida korrupsion holatlarga yo‘l qo‘ymaslik, mansab vakolatlaridan qonuniy va to‘g‘ri foydalanishga rioya etish masalalariga alohida e’tibor qaratildi.

Yig‘ilishda deputat A. Andayev ham o‘z fikr-mulohazalarini bildirib, korrupsion holatlarning oldini olishda jamoatchilik nazorati, ochiqlik va fuqarolar murojaatlari bilan samarali ishlash muhim ahamiyatga ega ekanini ta’kidladi.