Xalq deputatlari Paxtakor tumani Kengashi deputati Sh.Mirzayev tomonidan Chamanzor mahallasidagi qishloq vrachlik punkti faoliyati o‘rganildi.

O‘rganish davomida tibbiyot punktining faoliyati, aholiga ko‘rsatilayotgan tibbiy xizmatlar sifati hamda fuqarolar uchun yaratilgan shart-sharoitlar bilan tanishildi.

Shuningdek, tibbiyot muassasasida mavjud dori-darmonlar ta’minoti, ularning saqlanish holati va aholining zarur dori vositalaridan foydalanish imkoniyatlari ko‘zdan kechirildi.

Tashrif davomida tibbiy xizmat sifatini yanada yaxshilash, aholiga o‘z vaqtida va sifatli tibbiy yordam ko‘rsatish hamda mavjud muammolarni aniqlab, ularni bartaraf etish masalalariga alohida e’tibor qaratildi.