Xalq deputatlari Yangiobod tuman Kengashi deputati Z. Abduraimova tomonidan Balandchaqir mahallasidagi Oilaviy shifokorlik punktida aholiga ko‘rsatilayotgan tibbiy xizmatlar hamda fuqarolarni bepul dori-darmon vositalari bilan ta’minlash holati o‘rganildi.

O‘rganish davomida fuqarolarni qabul qilish jarayoni, tibbiy xizmatlarning tashkil etilishi, bemorlarga zarur tavsiyalar berilishi hamda imtiyozli toifalarga bepul ajratilishi lozim bo‘lgan dori vositalarining mavjudligi va ta’minoti holatiga alohida e’tibor qaratildi.

Shuningdek, bepul dori-darmonlarning saqlanishi, ularni ehtiyojmand fuqarolarga belgilangan tartibda yetkazib berish va hisobini yuritish masalalari bilan yaqindan tanishildi.

O‘rganish yakunida aholiga tibbiy xizmatlarni sifatli va o‘z vaqtida ko‘rsatish, ehtiyojmand fuqarolarni zarur dori vositalari bilan ta’minlash hamda bu boradagi ishlarni yanada takomillashtirish yuzasidan tegishli tavsiyalar berildi.