DEPUTAT TASHABBUSI BILAN AMALGA OSHIRILGAN ISHLAR
Xalq deputatlari Pastdarg‘om tumani Kengashi deputatlari tomonidan 2026-yil yanvar–sentabr oylarida amalga oshirilgan ishlar yuzasidan intervyular davom etmoqda.
🎙 Deputat Bahodir Norquvvatovich o‘z deputatlik faoliyati davomida amalga oshirilgan amaliy ishlar haqida ma’lumot berdi.
Jumladan, deputat tashabbusi bilan:
🔹 Qo‘shchinor MFYdagi Qarg‘ish bobo qabristoni atrofi beton devor bilan o‘ralib, hududda ayvon qurildi;
🔹 Qo‘shchinor ko‘chasidagi 52 ta xonadonga toza ichimlik suvi tarmog‘i tortildi;
🔹 Qoraariq qishlog‘ida yoshlar va aholi uchun futbol maydoni tashkil etildi.
⚽️ Mazkur ishlar hudud infratuzilmasini yaxshilash, aholining kundalik ehtiyojlarini ta’minlash hamda yoshlar uchun sport bilan shug‘ullanish imkoniyatlarini kengaytirishga qaratilgan.
📌 Deputatlik faoliyatining asosiy mezoni — tashabbusni amaliy ishga, murojaatni esa aniq natijaga aylantirish.