BOLALARNI ZARARLI AXBOROTDAN HIMOYA QILISH MASALASI O‘RGANILMOQDA
Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan bolalarni ularning sog‘lig‘i va rivojlanishiga zarar yetkazishi mumkin bo‘lgan axborotlardan himoya qilish borasidagi ishlar o‘rganildi.
O‘rganish jarayonida bolalarning axborot xavfsizligini ta’minlash, «0+», «7+», «12+», «16+», «18+» belgilarining qo‘llanilishi masalalariga e’tibor qaratildi.
Shuningdek, internet tarmog‘i, ommaviy axborot vositalari, ota-onalar va pedagoglarning bu boradagi huquqiy savodxonligini oshirish hamda profilaktik ishlarni kuchaytirish masalalari ko‘rib chiqildi.
Mazkur o‘rganishlar O‘zbekiston Respublikasi Vazirlar Mahkamasining 2018-yil 22-oktabrdagi 848-son qarori bilan tasdiqlangan nizom hamda «Bolalarni ularning sog‘lig‘iga zarar yetkazuvchi axborotdan himoya qilish to‘g‘risida»gi Qonun talablari ijrosini ta’minlashga qaratilgan.