DEPUTATLIK NAZORATI: FUQARO MUAMMOSI O‘RGANILDI
Xalq deputatlari Pastdarg‘om tumani Kengashi deputati S. Djumayeva tomonidan fuqaro Abdivoyitov Sindorning murojaati o‘rganildi.
Fuqaroning ma’lum qilishicha, u “SINDOR BARAKA” nomli maishiy texnika savdo nuqtasidan xolodilnik xarid qilgan. Biroq xarid qilingan texnika nosoz holatda chiqqani sababli fuqaro ikki yildan buyon muammoni hal etish uchun sarson bo‘lib kelmoqda.
Deputat tomonidan murojaatning holati, mavjud muammo va mas’ullar bilan bog‘liq masalalar o‘rganilib, fuqaroning qonuniy manfaatlarini ta’minlash hamda murojaatga amaliy yechim topish yuzasidan tegishli choralar belgilandi.
📌 Deputatlik nazorati — murojaatni eshitish emas, uning yechimini ta’minlashdir.