Uzun tumanida deputatlar tashabbusi bilan ommaviy sport tadbirlari o‘tkazilmoqda

Uzun tumanining barcha mahallalarida aholi, ayniqsa, nuroniylar, yoshlar va xotin-qizlarni ommaviy sportga keng jalb etish maqsadida sport tadbirlari tashkil etilmoqda. Ushbu salomatlik va jismoniy faollik tadbirlarida xalq deputatlari Uzun tumani Kengashi deputatlari ham faol va tashabbuskor bo‘lib ishtirok etishmoqda.

Tadbirlar davomida ishtirokchilar va deputatlar birgalikda ertalabki badantarbiya mashg‘ulotlarida qatnashib, “5000 qadam” loyihasi doirasida piyoda yurishmoqda hamda turli sport mashg‘ulotlari bilan shug‘ullanishmoqda.
Deputatlarning shaxsiy namunasi va faol ishtiroki bilan o‘tayotgan ushbu tadbirlar tuman aholisi o‘rtasida sog‘lom turmush tarzini targ‘ib qilish hamda jismoniy faollikni oshirishga munosib xizmat qilmoqda.