DEPUTAT QABULIDA: FUQARONING TADBIRKORLIK TASHABBUSI QO‘LLAB-QUVVATLANDI
Xalq deputatlari Pastdarg‘om tumani Kengashi deputati F.Turayev tomonidan G‘ulakandoz MFY fuqarosi Xusainov Otabek murojaati yuzasidan uchrashuv o‘tkazildi.
Murojaat davomida fuqaro tadbirkorlik faoliyati bilan shug‘ullanish istagida ekanligini bildirib, ushbu yo‘nalishda huquqiy maslahat va amaliy tavsiyalar olish uchun deputatga murojaat qildi.
Deputat tomonidan tadbirkorlik faoliyatini qonuniy yo‘lga qo‘yish, tegishli hujjatlarni rasmiylashtirish hamda mavjud imkoniyatlardan samarali foydalanish bo‘yicha tushuntirishlar berildi.
Shuningdek, fuqaroning tadbirkorlik tashabbusini amalga oshirish jarayonida yuzaga kelishi mumkin bo‘lgan masalalarni tegishli tashkilotlar bilan hamkorlikda hal etish yuzasidan tavsiyalar berildi.
Deputatning asosiy vazifasi — fuqaroni tinglash, uning qonuniy manfaatlarini himoya qilish va muammosining amaliy yechimiga ko‘maklashishdir.