#kunlik_ish_reja_ijrosi
#kotibiyat_xodimi_faoliyati
#deputat_faoliyati
#24_ta_masala

Mahalladagi bandlik va tadbirkorlik imkoniyatlariga e’tibor qaratildi

“Limonzor” mahallasida aholi bandligini ta’minlash, xonadonlarning daromad manbalarini oshirish va tadbirkorlik tashabbuslarini qo‘llab-quvvatlash borasidagi ishlar ko‘rib chiqildi.

Xalq deputatlari Bandixon tumani Kengashi deputati S.Shaydilov tomonidan 17-“Limonzor” saylov okrugiga qarashli mazkur mahallada hokim yordamchisining kambag‘allikni qisqartirish va aholi bandligini ta’minlash yo‘nalishidagi faoliyatiga e’tibor qaratildi.

O‘rganish O‘zbekiston Respublikasi Oliy Majlisi Senati Kengashining 2025-yil 15-yanvardagi KQ-35-V-son qarorida belgilangan mahalliy Kengash deputatlari faoliyatining muhim yo‘nalishlari asosida olib borildi. Xususan, aholi bandligini ta’minlash, kambag‘allikni qisqartirish va tadbirkorlikni rivojlantirishga qaratilgan ishlarning amaliy natijalariga e’tibor qaratildi.

Mahalladagi xonadonbay ishlar, ehtiyojmand oilalarni aniqlash, ishsiz fuqarolarni ishga yo‘naltirish, kasb-hunarga o‘qitish va o‘zini o‘zi band qilish imkoniyatlaridan foydalanish holati ko‘rib chiqildi.

Joylardagi o‘rganishlar davomida fuqarolar xonadonlariga kirib borilib, issiqxona xo‘jaligini yuritayotgan, limonchilik bilan shug‘ullanayotgan tadbirkorlar bilan suhbatlashildi. Ular bilan muloqotda mavjud sharoitlar, faoliyatni kengaytirishga to‘sqinlik qilayotgan masalalar va kelgusidagi ehtiyojlar yuzasidan fikr almashildi.

O‘rganish yakunida aniqlangan masalalar bo‘yicha tegishli tavsiyalar berildi. Xonadonlarda qo‘shimcha daromad manbalarini yaratish, bandlikni ta’minlash va tadbirkorlik tashabbuslarini qo‘llab-quvvatlash bo‘yicha ishlarni yanada kuchaytirish lozimligi ta’kidlandi.