Xalq deputatlari Ko‘kdala tuman Kengashi kotibiyat mudiri, 19-Xushali saylov okrugi deputati F. Bektemirov, 18-Shurbozor saylov okrugi deputati Q. Jumayev hamda tuman hokimligi mas'ullari hamkorligida bugungi kunda "Yangi O‘zbekiston" qiyofasi yaratilayotgan Ko‘kdala mahalla fuqarolar yig‘inida o‘rganish ishlari olib borildi.

O‘rganish davomida mahalla ichki yo‘llarining holati, hududni obodonlashtirish, aholi xonadonlarini "Yangi O‘zbekiston" qiyofasiga mos ravishda shakllantirish hamda amalga oshirilayotgan bunyodkorlik ishlari yuzasidan fuqarolar bilan ochiq muloqot o‘tkazildi.
Suhbatlar davomida 14-Ko‘kdala saylov okrugi hududidagi mavjud muammolar atroflicha tahlil qilinib, ularning aksariyati mas'ul tashkilotlar ishtirokida joyida hal etildi.
Tuman darajasida yechim talab etadigan masalalarni esa O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-son qarori ijrosini ta'minlash, hududlarni rivojlantirish hamda aholi muammolarini tizimli hal etishda mahalliy Kengash deputatlari va "mahalla yettiligi" hamkorligini yanada kuchaytirish maqsadida navbatdagi sessiya kun tartibiga kiritish uchun tegishli doimiy komissiyalar muhokamasiga taqdim etish belgilab olindi.

Fuqarolar bilan doimiy muloqot, muammolarni joyida o‘rganish va ularning amaliy yechimini ta'minlash — mahalliy Kengash deputatlarining ustuvor vazifalaridan biridir.

Slide 1 of 4