SAYLOVCHILAR BILAN UCHRASHUV O‘TKAZILDI

✅ Xalq deputatlari Boysun tuman Kengashiga 6-Sho‘rsoy saylov okrugidan saylangan deputat Baxoviddinov Samat Boyqobilovich tomonidan tasdiqlangan reja-grafik asosida saylovchilar bilan navbatdagi uchrashuv o‘tkazildi.

✅ Uchrashuv davomida deputat saylov okrugi hududidagi aholi bilan ochiq muloqot qilib, fuqarolarni qiynayotgan masalalar, ularning taklif va murojaatlarini bevosita tingladi. Saylovchilar tomonidan bildirilgan har bir masala yuzasidan tegishli tushuntirishlar berilib, hal etish imkoniyatlari muhokama qilindi.

✅ Shuningdek, aholi tomonidan ko‘tarilgan muammolarni tegishli tashkilot va mas’ullar bilan hamkorlikda o‘rganish, zarur hollarda deputatlik so‘rovlari orqali amaliy choralar ko‘rish masalalari belgilab olindi.

🤝 Saylovchilar bilan muntazam muloqot — deputatlik faoliyatining muhim yo‘nalishlaridan biri. Bunday uchrashuvlar aholining fikr va takliflarini o‘rganish, hududdagi dolzarb masalalarni aniqlash hamda ularning yechimi bo‘yicha amaliy ishlarni tashkil etishga xizmat qiladi.