#kunlik_ish_reja_ijrosi
#19_1_modda
#deputat_faoliyati

Bandixon tumanida 1000 gektardan ortiq maydonning sug‘orish tizimini yaxshilash loyihasi deputatlik nazoratiga olindi

Bandixon tumanida qishloq xo‘jaligi yerlarini suv bilan ta’minlashni yaxshilash, suv isrofining oldini olish hamda aholi tomorqalaridan samarali foydalanish maqsadida yirik irrigatsiya loyihalari amalga oshirilmoqda.

Xalq deputatlari Bandixon tuman Kengashining 13-Farovon saylov okrugi deputati A.Pardayev hamda tuman hokimining o‘rinbosari A.Doniyorov "Bahoriston" va "Farovon" MFYlar hududidagi fermer xo‘jaliklari hamda aholi tomorqalarida olib borilayotgan beton ariq tortish ishlarini o‘rgandilar.

Loyiha doirasida jami 893 gektar fermer xo‘jaligi yerlari va 590 ta xonadonning 177 gektar tomorqa maydonlarini suv bilan ta’minlovchi sug‘orish tarmoqlari yangilanmoqda. O‘rganish davomida qurilish ishlarining sifati, loyiha-smeta hujjatlariga muvofiqligi tahlil qilinib, pudratchi tashkilot mas’ullariga ishlarni sifatli yakunlash yuzasidan tegishli ko‘rsatmalar berildi.

Loyihaning muvaffaqiyatli yakunlanishi hududda dehqonchilik va bog‘dorchilik samaradorligini oshirishda muhim omil bo‘lib xizmat qiladi.