Xalq deputatlari Shovot tumani Kengashi sessiyasi kun tartibiga kiritilgan tashkilotlarning aholi murojaatlari bilan ishlash holati o‘rganildi.
O‘rganish jarayonida Xalq deputatlari Shovot tumani Kengashi kotibiyati mudiri I.Masharipov, kotibiyat bosh mutaxassisi U.Ruzmetov hamda O‘zbekiston Respublikasi Prezidenti Xalq qabulxonasi Shovot tumani bo‘limi mutaxassisi I. Jumabayev ishtirok etdi.
Jumladan, Davlat kadastrlari palatasi Shovot tumani filiali boshlig‘i hamda Shovot tumani yo‘llardan foydalanish korxonasi davlat muassasasi direktori tomonidan aholi murojaatlari bilan ishlash bo‘yicha amalga oshirilgan ishlar yuzasidan Kengashga taqdim etilgan hisobotlar o‘rganib chiqildi.
O‘rganish davomida fuqarolardan kelib tushgan murojaatlarning o‘z vaqtida ko‘rib chiqilishi, ularning qonuniyligi va asoslanganligi, murojaatlar bo‘yicha amaliy choralar ko‘rilishi hamda aniqlangan muammolarni bartaraf etish borasidagi ishlar tahlil qilindi.
O‘rganish yakunlariga ko‘ra, mazkur tashkilotlarda aholi murojaatlari bilan ishlash holati  qoniqarli deb baholandi. Fuqarolar murojaatlarini o‘z vaqtida ko‘rib chiqish, ularning qonuniy va asosli yechimini ta’minlash borasida tegishli ishlar amalga oshirilayotgani qayd etildi.