Xalq deputatlari Andijon shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan Andijon pedagogika texnikumidagi mavjud sharoitlar o‘rganildi.

O‘rganish davomida texnikumning sport maydoni va sport zali ta’mirtalab holatda ekani aniqlandi. Mazkur masala “Ochiq budjet” tizimiga ham kiritilib, 1 631 ta ovoz to‘plangan, biroq 50 ta ovoz yetishmagani sababli loyiha g‘olib bo‘lmagan.

Shu munosabat bilan texnikumning sport maydoni va sport zalini ta’mirlash uchun zarur mablag‘larni mahalliy budjet mablag‘lari hisobidan ajratish yoki tegishli davlat dasturiga kiritish imkoniyatini ko‘rib chiqish yuzasidan tegishli tashkilotlarga taklif kiritilmoqda.