Xalq deputatlari Andijon shahar Kengashi deputati D. Rahmatullayeva tomonidan inklyuziv ta’lim tashkil etilgan umumta’lim maktablarida “To‘siqsiz muhit” yaratish bo‘yicha deputat so‘rovi kiritilmoqda.

Tashabbus doirasida Andijon shahridagi 16 ta maktabda mavjud sharoitlarni o‘rganish, panduslar va moslashtirilgan sanitariya xonalarini tashkil etish, maxsus mebel hamda zarur o‘quv va texnik jihozlar bilan ta’minlash masalalari ko‘tarilmoqda.

Shuningdek, aniqlangan ehtiyojlar bo‘yicha zarur mablag‘larni “Infratuzilma va ijtimoiy barqarorlik” jamg‘armasi hisobidan ajratish masalasini shahar Kengashi sessiyasi kun tartibiga kiritish taklif etilmoqda.

Asosiy maqsad — inklyuziv ta’lim olayotgan bolalar uchun teng imkoniyat, xavfsiz va qulay ta’lim sharoitlarini yaratish.

Har bir bola ta’lim olishga haqli. Har bir maktab esa buning uchun zarur sharoitga ega bo‘lishi kerak.