📌 KAMBAG‘ALLIKNI QISQARTIRISH BO‘YICHA ISHLAR DЕPUTATLIK NAZORATIDA
Novqa mahallasida aholi daromadlarini oshirish, kambag‘allikni qisqartirish va xonadonlarning iqtisodiy imkoniyatlarini kengaytirish borasida amalga oshirilayotgan ishlar tuman Kengashi deputati B. Mirzabekov tomonidan o‘rganilib, tahlil qilindi.
O‘rganish davomida mahalla yordamchisi tomonidan amalga oshirilayotgan ishlar samaradorligi, kambag‘al oilalarni qo‘llab-quvvatlash, ularning bandligini ta’minlash, daromad manbalarini ko‘paytirish va mavjud imkoniyatlardan samarali foydalanish holatiga alohida e’tibor qaratildi.
Deputatlik nazoratining asosiy maqsadi — mahallada amalga oshirilayotgan ishlar samaradorligini oshirish, aholining real daromadlarini ko‘paytirish va har bir oilaning farovonligini ta’minlashga qaratilgan chora-tadbirlarni yanada kuchaytirishdan iborat.