Xalq deputatlari Bekobod tumani Kengashiga O‘zbekiston Xalq demokratik partiyasidan saylangan deputat S.Xidirova Do‘stlik mahallasida xotin-qizlar faoli bilan birgalikda mahalladagi ayollar bilan olib borilayotgan ishlarni tahlil qildi.

Uchrashuv davomida ayollar salomatligini asrash, oilaviy nizolarni bartaraf etish, oilaviy ajrimlarning oldini olish hamda xotin-qizlar bandligini ta’minlash borasidagi ishlar, erishilgan yutuqlar va mavjud muammolar atroflicha o‘rganildi.

Shuningdek, mahallada oilaviy tadbirkorlikni rivojlantirish borasida shakllangan ijobiy tajribalarni ommalashtirish bo‘yicha kelishib olindi.
Zero, ayolning farovonligi — oilaning mustahkamligi, oilaning mustahkamligi esa jamiyat taraqqiyotining muhim omilidir. 🌿

Xotin-qizlar manfaatlarini himoya qilish — doimiy e’tibor va amaliy harakatni talab etadi!