Jalaquduq tumanidagi ixtisoslashtirilgan maktabda rassom Rustamjon O‘rozovning “Ona yurtim — Jalaquduq tarovati” nomli ijodiy ko‘rgazmasi bo‘lib o‘tdi. Ko‘rgazmada tuman hokimi, tuman deputati Hikmatillo Latipov ham ishtirok etib, rassomning ijod namunalari bilan tanishdi. Unda Jalaquduqning go‘zal tabiati, betakror manzaralari va yurtimizga xos qadriyatlarni aks ettirgan rang-barang asarlar namoyish etildi. Tuman hokimi rassomning ijodiy faoliyatini e’tirof etib, bunday ko‘rgazmalar yoshlarning san’at va ijodga bo‘lgan qiziqishini oshirishda muhim ahamiyatga ega ekanini ta’kidladi. Tadbirda tuman Kengashi raisi Sh.Xaytaxunov xam ishtirok etdi.