Zarbdor mahallasida ijtimoiy muammolar o‘rganildi

Xalq deputatlari Qo‘shko‘pir tumani Kengashi kotibiyati bosh mutaxassisi Sarabibi Matyaqubova Zarbdor mahallasida bo‘lib, mahalla ijtimoiy xodimi Rayhon Matyaqubovaning faoliyati bilan yaqindan tanishdi.

O‘rganish davomida S. Matyaqubova ijtimoiy xodim R. Matyaqubova hamda ko‘cha boshisi Baxtiyor Matchanov bilan hamkorlikda ijtimoiy reyestrga kiritilgan oiladonlarning xonadonlariga borib, ularning mavjud muammolarini joyida o‘rgandi.

Fuqarolar bilan muloqot davomida oilalarning ijtimoiy sharoiti, ehtiyojlari va muammolari tinglanib, ularni hal etish bo‘yicha mas’ul tashkilotlar bilan hamkorlikda amaliy choralar ko‘rish masalalariga alohida e’tibor qaratildi.

Bunday sayyor o‘rganishlar aholi bilan bevosita muloqotni kuchaytirish, ijtimoiy himoyaga muhtoj oilalarni qo‘llab-quvvatlash hamda aniqlangan muammolarni manzilli hal etishda muhim ahamiyat kasb etadi.