ОЗИҚ-ОВҚАТ ХАВФСИЗЛИГИ ВА ЭКСПОРТ САЛОҲИЯТИ МУҲОКАМА ҚИЛИНДИ
Янгиқўрғон туманидаги «TIP-TOP» МЧЖда озиқ-овқат хавфсизлигини таъминлаш ва экспорт кўрсаткичларини ошириш масалаларига бағишланган йиғилиш бўлиб ўтди.
Унда туман ҳокими, Халқ депутатлари Янгиқўрғон тумани Кенгаши депутати А. Нажмиддинов ҳамда тегишли ташкилот ва идоралар масъуллари иштирок этди.
Йиғилишда аҳолини сифатли ва хавфсиз озиқ-овқат маҳсулотлари билан барқарор таъминлаш, ички бозорда нарх-наво барқарорлигини сақлаш, маҳсулотларни сақлаш ва қайта ишлаш қувватларидан самарали фойдаланиш масалалари муҳокама қилинди.
Шунингдек, туманда экспорт ҳажмини ошириш, халқаро талабларга жавоб берадиган рақобатбардош маҳсулотлар ишлаб чиқариш, янги ташқи бозорларга чиқиш ҳамда тадбиркорларга экспорт жараёнларида амалий кўмак кўрсатишга алоҳида эътибор қаратилди.
Мавжуд экспорт салоҳиятидан самарали фойдаланиш, маҳсулотлар сифати ва хавфсизлигини таъминлаш, уларни сертификатлаш, қадоқлаш ва ташқи бозорларга етказиб бериш жараёнидаги муаммоларни бартараф этиш бўйича таклифлар билдирилди.
Йиғилиш якунида масъулларга озиқ-овқат хавфсизлигини таъминлаш, экспорт кўрсаткичларини ошириш, тадбиркорларни қўллаб-қувватлаш ҳамда белгиланган вазифалар ижросини ўз вақтида ва сифатли таъминлаш юзасидан тегишли топшириқлар берилди.