Xalq deputatlari Chilonzor tuman Kengashi deputati Mahmudova Donoxon Artikovna tomonidan 67-ds-413-26-sonli deputat so‘rovi asosida ko‘tarilgan masala yuzasidan tegishli tashkilot tomonidan javob taqdim etildi.
Javobda O‘zbekiston Respublikasi Prezidentining 2026-yil 5-fevraldagi “Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-son qarori ijrosini ta’minlash maqsadida amalga oshirilayotgan ishlar haqida ma’lum qilindi.
Xususan, 2026–2027-yillarda shahar va tumanlarda respublika budjetidan 1 trillion so‘m mablag‘ ajratish hisobiga ko‘p kvartirali uylarni ta’mirlash hamda uylarga tutash hududlarda umumiy foydalanishdagi infratuzilma obyektlarini qurish va rekonstruksiya qilish dasturi doirasida “3-Charx Kamolon” MFY hududida 2 dona bolalar maydonchasini qurish rejalashtirilgani bildirildi.
Mazkur loyiha hududdagi bolalar uchun zamonaviy va xavfsiz dam olish hamda bo‘sh vaqtini mazmunli o‘tkazish sharoitlarini yaratishga, shuningdek, mahalla infratuzilmasini yanada yaxshilashga xizmat qiladi.
Deputat so‘rovi — aholi murojaatlarida ko‘tarilgan masalalarni tegishli tashkilotlar oldida ko‘tarish va ularning ijrosini nazorat qilishning muhim vositasidir.