🇺🇿🇺🇿🇺🇿  🇺🇿🇺🇿🇺🇿🇺🇿🇺🇿🇺🇿
#Mustaqillik35 #Uzb35

MUSTAQILLIK SHUKRONASI — KO‘KSAROY MAHALLASIDA BAYRAM SHUKUHI

🇺🇿 Eng ulug‘ va eng aziz bayramimiz — O‘zbekiston Respublikasi Mustaqilligining 35 yilligi munosabati bilan Uchtepa tumanidagi Ko‘ksaroy mahallasida ko‘tarinki ruhdagi bayram tadbiri tashkil etildi. Tadbirda xalq deputatlari Uchtepa tumani Kengashining "14-O‘rikzor" saylov okrugi deputati Abdurashid Abdushukurov ishtirok etdi.

📇 Bayram tadbirida mahalla faollari, nuroniylar, xotin-qizlar va yoshlar ishtirok etib, yurtimizdagi tinchlik-osoyishtalik, xalqimizning farovon hayoti va mustaqillik ne’matining qadr-qimmati haqida samimiy fikrlar bildirildi.

🎁 Tadbir davomida deputat Abdurashid Abdushukurov mahalladagi faol xotin-qizlarni Mustaqillik bayrami bilan samimiy tabriklab, ularga esdalik sovg‘alarini topshirdi.

💬 Samimiy suhbatlar davomida mamlakatimizda amalga oshirilayotgan islohotlar, inson qadrini ulug‘lash, xotin-qizlarni qo‘llab-quvvatlash hamda mahalla hayotidagi faollikni yanada oshirish borasidagi ishlar haqida fikr almashildi.

🧠 Tadbir samimiy suhbatlar, ezgu tilaklar va bayramona kayfiyat bilan davom etdi. Bildirilgan duolarda yurtimiz tinchligi, xalqimiz farovonligi va mustaqilligimiz abadiyligi tilandi.