Yunusobod tumanida yoshlar va ishsiz fuqarolarni ish bilan ta’minlash, ularning bandligini oshirish hamda doimiy daromad manbaini yaratish maqsadida mehnat va loyihalar yarmarkasi o‘tkazildi.

👥Yarmarkada 28 ta korxona va tashkilot o‘zlaridagi 950 dan ortiq bo‘sh ish o‘rinlari bilan ishtirok etdi. Yaratilayotgan ushbu imkoniyatlar, ayniqsa, yoshlarning munosib ish topishi, kasbiy salohiyatini ro‘yobga chiqarishi va mustaqil daromad manbaiga ega bo‘lishida muhim ahamiyat kasb etadi.

👥Yoshlar bilan ishlash, ularning bandligini ta’minlash, bo‘sh vaqtlarini mazmunli tashkil etish va tashabbuslarini qo‘llab-quvvatlash borasida amalga oshirilayotgan amaliy ishlar deputatlik nazoratining doimiy yo‘nalishlaridan biri hisoblanadi. Shu maqsadda deputatlar tomonidan hududdagi yoshlar bandligi bilan bog‘liq masalalar muntazam o‘rganilib, aniqlangan muammolarni bartaraf etish va yoshlar uchun yangi imkoniyatlar yaratish bo‘yicha tegishli choralar ko‘rilmoqda.

🇺🇿Yoshlar bandligi — yurt taraqqiyoti va farovon kelajak garovidir!

Bizni kuzatishda davom eting!