🌿 Obod mahalla — farovon hayot va inson qadri

📍 Xalq deputatlari Sherobod tumani Kengashining 22-“Bo‘ston” saylov okrugi deputati A. To‘xtashov hamda Oyinli mahallasi raisi K. Normurodov tomonidan “Mahallada obodlik va mehr-saxovat oyligi” doirasida mahalla hududi hamda xonadonlarda uyma-uy yurib olib borilayotgan obodonlashtirish ishlari bilan tanishildi.

🏡 O‘rganish jarayonida mahalla hududidagi obodlik va tozalik holati, xonadonlar atrofini tartibga keltirish, ko‘chalar va umumiy foydalanish joylarini obodonlashtirish borasida amalga oshirilayotgan ishlar ko‘zdan kechirildi.

🤝 Shuningdek, mahalla fuqarolari S. Bozorova va N. Normurodovalarning ijtimoiy masalalar bo‘yicha murojaatlari tinglandi. Murojaatlarni ijobiy hal etish yuzasidan amalga oshirilishi lozim bo‘lgan ishlar deputat va mas’ullar tomonidan kelishib olindi.

🌱 O‘rganish davomida mahallada tozalik va ozodalikka alohida e’tibor qaratilib, hudud ko‘rkamligini yanada oshirish, aholi uchun qulay va fayzli muhit yaratish borasida amaliy ishlar olib borilayotgani qayd etildi.

💚 Obod mahalla — obod xonadon, obod xonadon esa farovon hayot garovidir.

🤲 Bunday tashabbuslar mahallalarda obodonchilik madaniyatini yuksaltirish bilan birga, fuqarolar murojaatlarini tinglash, ularning muammolariga e’tibor qaratish va inson manfaatlarini ta’minlashga xizmat qiladi.

Xalq deputatlari Sherobod tumani Kengashi kotibiyati matbuot xizmati.